---

Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicuro 'e chist'ammore,
comm'i' so' sicuro 'e te...

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

Quanta notte nun te veco,
nun te sento 'int'a sti bbracce,
nun te vaso chesta faccia,
nun t'astregno forte 'mbraccio a me?!
Ma, scetánnome 'a sti suonne,
mme faje chiagnere pe' te...

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

Scrive sempe e sta' cuntento:
io nun penzo che a te solo,
nu penziero mme cunzola,
ca tu pienze sulamente a me.
'A cchiù bella 'e tutt' 'e bbelle,
nun è maje cchiù bella 'e te!

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

Oje vita, oje vita mia,
oje core 'e chistu core,
si' stato 'o primmo ammore,
'o primmo e ll'ùrdemo sarraje pe' me!

---

Teksty umieszczone na naszej stronie są własnością wytwórni, wykonawców, osób mających do nich prawa.