---

Ohéee...
Cu me cantate ‘sta canzone.
Vuje ca suffrite ‘e ppene de ll'ammore,
Capre, ve pò ‘ncantá cu na parola.

So' accumparute ‘e stelle a primma sera,
tutta Tragára luce ‘mmiez'ô mare.
Na fascia ‘argiento sott' ‘e Faragliune
e nu mistero ‘int'a ‘sta notte chiara.
Notte ‘e silenzio e i', mo, chesta canzone,
vulesse cantá a chi mm'ha affatturato.

Tu, Luna, Luna tu, Luna caprese,
ca faje sunná ll'ammore a ‘e ‘nnammurate,
adduorme a nénna mia ca sta scetata
e falla ‘nnammurá cu na buscía.
Tu, Luna, Luna tu, Luna busciarda,
famme passá sti ppene ‘e gelusia
e fa' ca nénna fosse tutt' ‘a mia.
Tu, Luna, Luna tu, Luna caprese.

Ohéee...
Cu me cantate ‘sta canzone.
Vuje ca suffrite ‘e ppene de ll'ammore,
Capre, ve pò ‘ncantá cu na parola.

---

Teksty umieszczone na naszej stronie są własnością wytwórni, wykonawców, osób mających do nich prawa.