---

Comme putive dì: "Io pe te moro"
Quanno sapive ca nun era overo?
Comm'hê pututo chiagnere d'ammore
Si 'e llacreme nun erano sincere?
Nun t'è rimasto niente dint'ô core?
Niente? Nemmeno 'nu ricordo 'e me?

Tutt' 'e ssere
Tu venive a 'appuntamento
Mo' ca nun ce viene cchiù
Mo' ca nun ce viene cchiù
Io t'aspetto puntualmente

Tutt' 'e ssere
Quann'ê vvote 'a luna sponta
Io cu 'a luna parlo 'e te
Io cu 'a luna parlo 'e te
Ma inutilmente

Quanno sunava, a stesa, 'na campana
Dicive: "Voce 'e Dio mm'è testimone
Ca io penzo sempe a te e te voglio bene"
E mm'astrignive forte forte 'a mano
E mo' mm'hê 'a dì, si 'na campana sona
Si t'arricuorde 'e chesta 'nfamità

Tutt' 'e ssere
Quann'ê vvote 'a luna sponta
Io cu 'a luna parlo 'e te
Io cu 'a luna parlo 'e te
Ma inutilmente

---

Teksty umieszczone na naszej stronie są własnością wytwórni, wykonawców, osób mających do nich prawa.