Dimme, dimme a chi pienze, assettata Sola sola, addereto a 'sti llastre? 'Nfaccia ô muro, 'e rimpetto, stampata Veco 'n'ombra, e chest'ombra sì tu
Fresca è 'a notte e 'na luna d'argiento Saglie 'ncielo e cchiù ghianca addeventa E 'nu sciato, ogne tanto, d' 'o viento Mmiez'a 'st'aria se sente passà
Ah, che notte, ah, che notte! Ma pecché nun t'affacce? Ma pecché, ma pecché me ne cacce Catarì, senza manco parlà?
Ma ce sta 'nu destino E io ce credo e ce spero Catarì, nun è overo Tu cuntenta nun sî
Catarí, Catarí, mm'hê lassato Tutto 'nzieme 'st'ammore è fernuto Tutto 'nzieme t'hê scìvete a 'n'ato Mm'hê 'nchiantato e mm'hê ditto: "Bonnì!"
E a chist'ato, ca mo' tu vuó bene Staje penzanno e, scetata, ll'aspiette Ma chist'ato stasera nun vène E maje cchiù, t' 'o ddich'io, venarrà
No, nun vène, nun vène Ll'aggio visto p' 'a strada Cammenà, core a core, cu 'n'ata E, redenno, parlavano 'e te
Tu sî stata traduta Tu sî stata lassata Tu sî stata 'nchiantata Pure tu, pure tu
Catarì! Catarì! Tu cuntenta nun sî! Catarì! Catarì! Tu cuntenta nun sî!Teksty umieszczone na naszej stronie są własnością wytwórni, wykonawców, osób mających do nich prawa.
