---

Sera d'está, Pusilleco lucente
Canta canzone e addora d'erba 'e mare
Voglio 'e pparole cchiù d'ammore ardente
Voglio 'e pparole cchiù gentile e care
Pe' dí "Te voglio bene" a chi mme sente

Ma d' 'e pparole cchiù carnale e doce
Ne sceglio sulo tre: "Te voglio bene"
Bella, 'int'ô core tujo sacc'io chi tiene
Chi sta int'ô core mio saje pure tu

P' 'o mare 'e Napule
Quant'armunia
Saglie 'ncielo e, 'ncielo, sentono
Tutt' 'e stelle 'a voce mia
Voce, ca tènnera
'St'ammore fa

Notte d'está, se so' addurmute 'e ccase
E 'o cielo, a mare, 'nu scenario ha stiso
Staje 'mbracci'a me, 'nnucente so' 'sti vase
Bello, stanotte te so' sora e sposa
Stanotte ammore e Dio songo una cosa

Canta e da 'o suonno Napule se sceta
Ridono 'e vvocche ca se so' vasate
Tutt' 'e suspire 'e tutt' 'e 'nnammurate
Suspirano, stanotte, attuorno a te

P' 'o mare 'e Napule
Quant'armunia
Saglie 'ncielo e, 'ncielo, sentono
Tutt' 'e stelle 'a voce mia
Voce, ca tènnera
'St'ammore fa

---

Teksty umieszczone na naszej stronie są własnością wytwórni, wykonawców, osób mających do nich prawa.