'Na biundulella 'Na brunettella 'Nu balcunciello Rose e garuofane
Ddoje figliulelle Ddoje pupatelle Co ddoje vucelle Suspire 'e Napule
Ago e cuttone Sole e canzone Jurnate sane For'ô balcone
'Sti ffigliulelle 'Sti ssartulelle Ca d' 'a 'Nfranscata So' 'e pupatelle
Chitarella, chitarrè Cuntale 'o fatto Comm'è gghiuto, chitarrè Che succedette? Passaje 'nu giuvinotto ammartenato E una 'e lloro avette 'na 'mmasciata Ma 'a bruna canta e 'a bionda sta malata Chitarrè 'Ncopp'a 'sta casarella d' 'a 'Nfrascata Chitarrè
'Sta biundulella 'Sta brunettella 'Stu balcunciello Ma quanta lacreme
'Sti ffigliulelle 'Sti pupatelle 'Sti nenne belle Pecché nun cantano?
P' 'o stesso ammore Dint'a dduie core Parole amare Tra sora e sora
Addio canzone Pe 'sta passione Mo' una è l'ago E 'n'ata 'o cuttone
Chitarella, chitarrè Cuntale 'o fatto Comm'è gghiuto, chitarrè Che succedette? Passaje 'nu giuvinotto ammartenato E una 'e lloro avette 'na 'mmasciata Ma 'a bruna canta e 'a bionda sta malata Chitarrè 'Ncopp'a 'sta casarella d' 'a 'Nfrascata Chitarrè
Chitarrè Stammoce zitti Ch'a 'stu punto, chitarrè Cchiù triste è 'o fatto Songh'io 'stu giuvinotto ammartenato Pe' colpa mia 'o purtone sta 'nzerrato 'A bionda è morta e 'a bruna mm'ha lassato Chitarrè E io chiagno 'mmiez'â strada d' 'a 'Nfrascata ChitarrèTeksty umieszczone na naszej stronie są własnością wytwórni, wykonawców, osób mających do nich prawa.
