'A passione mia erano 'e rose Sultanto 'e rose rosse 'Stu sciore m'era amico 'Stu sciore me diceva tanti ccose Ma nun m'ha ditto maje Ca steva n'atu sciore comm'a te Forse pe' gelusia Pensanno ca vedennote Je me scurdavo d'essa E m'annammuravo 'e te
E comme infatti overo Accussì è stato: Appena t'aggio visto Me songo 'nnammurato E mo', pe' tutt'a vita 'Nfilato int'all'occhiello Da giacchetta Porto sempe cu' mme 'Na margarita
Ll'ammore avesse 'a essere 'Na cosa fatta 'e zuccaro 'Na cosa doce e semplice Tutta sincerità:
Dduje core ca suspirano Ddoje vvocche ca se vasano Dduje core ca se fonnono Fino all'eternità!
Dduje core ca suspirano Ddoje vvocche ca se vasano Dduje core ca se fonnono Fino all'eternità!Teksty umieszczone na naszej stronie są własnością wytwórni, wykonawców, osób mających do nich prawa.
