---

Mm'è arrivata, stammatina
'Na cartulina:
È 'na veduta 'e Napule
Che mm'ha mannato mámmema

Si vede Capri e Procida
Se vede Margellina
'Nu poco 'e cielo 'e Napule
Che bella cartulina!

Napule
Aggio scritto pe' te chesta canzone
E, p' 'o ricordo 'e mámmema
Aggio chiagnuto lacreme 'e passione!

E se vede pure 'o mare
Cu Marechiaro:
Mme parla cchiù 'e 'na lettera
'Sta cartulina 'e Napule!

Che gioja, che delizia
Surriento quant'è fina
Comm'è bello 'o Vesuvio
'Nfaccia a 'sta cartulina!

Napule
Aggio scritto pe' te chesta canzone
E, p' 'o ricordo 'e mámmema
Aggio chiagnuto lacreme 'e passione!

"Comme tu puó stá felice
– Mamma mme dice -
Luntano tanto 'a Napule
Luntano tanto 'a mámmeta?"

E soffro mille spáseme
'Ncore tengo 'na spina
Quanno cunfronto 'America
Cu chesta cartulina!

Napule
Aggio scritto pe' te chesta canzone
E, p' 'o ricordo 'e mámmema
Aggio chiagnuto lacreme 'e passione!
Aggio chiagnuto lacreme 'e passione!

---

Teksty umieszczone na naszej stronie są własnością wytwórni, wykonawców, osób mających do nich prawa.