و يا سعد من جانا و هنّانا، بلادي ملك ربي بركة اغسل ساڨيك و من بعد ما سحڨنا العُربانة، و جابو دين ربي و شدّو نسانا بالسيف و يا سعد من باعنا و عرّانا و عاش متخبي حشاه تي صحة ليه و من بعد ما حكمو الطحانة كلاب سيدي العربي و العثمانيين
الخبزة المرة غلّوها و الصابة الي فاضت حرڨوحا و النعجة الي جابت باعوها ڨولو مصلّي عالنبي! الكلمة الحرة غدروها و الثورة جمرة و طفوها و الشيخة موزة حطوها تحكم في والديك!
و يا سعد من جانا و هنّانا، بلادي ملك ربي أهلا و سهلا بالصيد و من بعد ما سحڨنا العُربانة، و جابو دين ربي و جبدو علينا الحديد و يا سعد من باعنا و عرّانا و عاش متخبي منفي مات ذليل و من بعد ما حكمو الطحانة كلاب سيدي العربي و كلاب اسرائيل
الكبدة عطوها في كرضونة و نسانا تڨلبو في كميونة فسليانة بالرش طشّونا ڨولو مصلّي عالنبي
الكلمة الحرّة غدروها والثورة الجمرة و طفّوها و الشيخة موزة حطّوها تحكم فيّا و فيك
عاود إكتب الحاضر و التاريخ يا شعب ناسي انت شكونك.. أوڨف و أڨلب صحفة سيدي الشيخ الي عبّاها من عرجونك عاود فيق مازال فيك الروح مازال فيك نساك و رجالك قاوم بلّي فيك، بلّي فيك جهل و جوع لازم نورك يطغى على ظلامك!Teksty umieszczone na naszej stronie są własnością wytwórni, wykonawców, osób mających do nich prawa.