---

Hún kom eins og draumur,
konan með sjalið,
og hlustaði í kyrrðinni
á kvöldbylgjuhjalið.
Hún brosti með sjalið
um brjóstin vafið…
En eg var blærinn,
sem barst um hafið.

Eg var blærinn
sem bærði sjalið,
og veit, hvað bak við það
brennur falið
Eg var blærinn
sem barst yfir eyna,
og faðmaði að mér
Feneyjameyna.

Og nú er hún horfin….
En nóttin er fögur
Og segir hjartanu
Helgisögur.
Og enn syngur blærinn
Og bylgjuhjalið
Um hvítasta brjóstið
Og svartasta sjalið.

---

Teksty umieszczone na naszej stronie są własnością wytwórni, wykonawców, osób mających do nich prawa.