Kâtü mes Ninka boit? Ťelka mes Ninka boit. Ťelka rici Wâpak kâ naimo kâ dwemo: Joz jis wilťe grüzna Zena; Nemüg ninka boit Joz nemüg ninka boit.
Kâtü mes Zątik boit? Strezik mes Zątik boit. Strezik rici Wâpak kâ naimo kâ dwemo: Joz jis wilťe mole ťarl; Nemüg Zątik boit Joz nemüg Zątik boit.
Kâtü mes traibnik boit? Worno mes traibnik boit. Worno rici Wâpak kâ naimo kâ dwemo: Joz jis wilťe corne ťarl; nemüg traibnik boit Joz nemüg traibnik boit.
Kâtü mes ťauchor boit? Wauzka mes ťauchor boit. Wauzka rici Wâpak kâ naimo kâ dwemo: Joz jis wilťe glupcit ťarl; nemüg ťauchor boit Joz nemüg ťauchor boit.
Kâtü mes senkir boit? Zojąc mes senkir boit. Zojąc rici Wâpak kâ naimo kâ dwemo: Joz jis wilťe drale ťarl; nemüg senkir boit Joz nemüg senkir boit.
Kâtü mes spelmann boit? Büťan mes spelmann boit. Büťan rici Wâpak kâ naimo kâ dwemo: Joz jis wilťe dauďe rât; nemüg spelman boit Joz nemüg spelman boit.
Kâtü mes taisko boit? Laiska mes taisko boit. Laiska rici Wâpak kâ naimo kâ dwemo: Rüzplâstaite müją pauzą; Będe wosa taisko Będ wosa taisko. Teksty umieszczone na naszej stronie są własnością wytwórni, wykonawców, osób mających do nich prawa. |
|