---

Chella ca mme purtava sempe 'e rrose
Chiena 'e frischezza e tutta simpatia
Nun sta passanno cchiù pe' chesta via
Chi sà che ll'hanno ditto contro 'e me!

E mme passano pe' 'nnanze
Tutt' 'e ccumpagne soje, a una, a una
Ma che sfurtuna!
Chella d' 'e rrose
Chella d' 'e rrose
I' nun 'a veco cchiù

I' saccio 'o nomme, ma nun saccio 'a casa
A chi ce 'o vaco a dì c' 'a voglio bbene?
Mo c' 'a vurria vedè, cchiù nun ce vene
Nisciuno cchiù è sincero attuorno a me

E mme passano pe' 'nnanze
Tutt' 'e ccumpagne soje, a una, a una
Ma che sfurtuna!
Chella d' 'e rrose
Chella d' 'e rrose
I' nun 'a veco cchiù

E mo' d' 'e rrose mm'ha restate 'e spine
E mm'ha lassato senza 'nu saluto
Pe' 'n'ato ammore forze mm'ha traduto
Ma chi sarrà chist'ato, 'aggi' 'a sapè

E mme passano pe' 'nnanze
Tutte ll'amice mieje, a uno, a uno
Ma surtant'uno
'O cchiù sincero
'O cchiù sincero
I' nun 'o veco cchiù

‘O cchiù sincero
i' nun ‘o veco cchiù.

---

Teksty umieszczone na naszej stronie są własnością wytwórni, wykonawców, osób mających do nich prawa.