---

Signo'... acalate!
Signo'...'a lattara!
I
'O suónno s'è fatto dóce
e Aprile chiu' dóce 'o fa:
mammà' sta perdènno 'a vóce,
me tira a fforza pe me sceta'.
"'O sóle è spuntato 'a n'óra
spicciàmmoce, piccere'"
Ma io sento ca ll'aria e' dóce
e dóce nun saccio 'e che'...

Oj mamma bèlla...
nun me mannate chiù casa pe casa
cu sti buttéglie 'mmane nun è còsa,
'o llatte nun 'o pòzzo chiù purta'.
So' figliulélla,
e tutt' 'e giuvinòtte d' 'o paése
me 'ntóppano e me fanno mille scuse
p'a strata nun è còsa 'e cammena'

Ce sta'
chi me ferma e na domanda me vò fa'
Chi po
na rispòsta 'a va truvanno primma 'e mo.

E' pe stu fatto
me sto' facenno secca 'a ch'ero chiatta.
'E stammo a vintitre' buttéglie rotte,
me so' scappate 'a mano, ch'aggia fa'.

II
'O figlio d''o farmacista
'a tósse me vò sanà,
Nicòla l'elettricista
se spèzza 'e file pe' l'aggiusta',
'O gióvane d'o 'ngigniére
'na casa vò fravecà,
ma io pènzo a 'nu Bersagliére
ca sèmpe 'mprigiòne sta'.

Ce sta'
chi me férma e na domanda me vò fà
Chi po
na risposta 'a va truvanno primma 'e mo.

E' pe stu fatto
me sto' facénno sécca 'a ch'èro chiatta.
E stammo a vintitré buttéglie rótte,
me so' scappate 'a mano, ch'aggi'a fa'.

Ammóre ammóre 'e che m'hê fatto fà!

Signo' acalate!
Signo' 'a lattara!

---

Teksty umieszczone na naszej stronie są własnością wytwórni, wykonawców, osób mających do nich prawa.