Bacche, bene venies gratus et optatus, Per quem noster animus fit letificatus. Bacchus forte superans pectora virorum In amorem concitat animos eorum. Bacchus sepe visitans mulierum genus Facit eas subditas tibi, o tu Venus. Bacchus venas penetrans calido liquore Facit eas igneas Veneris ardore.
Bacchus mentem femine solet hic lenire Cogit eam citius viro consentire. Bacchus lenis leniens curas et dolores Confert iocum, gaudia, risus et amores.
Bacchus illam facile solet expugnare, A qua prorsus coitum nequit impetrare. Bacchus numen faciens hominem iocundum, reddit eum pariter doctum et facundum.
Istud vinum, bonum vinum, vinum generosum, Reddit virum curialem, probum, animosum.Teksty umieszczone na naszej stronie są własnością wytwórni, wykonawców, osób mających do nich prawa.
