---

Cchiù luntana mme staje
Cchiù vicina te sento
Chisà a chistu mumento
Tu a che pienze? Che faje?

Tu mm'hê miso 'int' 'e vvene
'Nu veleno ca è doce
Nun mme pesa 'sta croce
Ca trascino pe' tte!

Te voglio, te penzo
Te chiammo!
Te veco, te sento
Te sonno!
È 'n'anno
Ce pienze ca è 'n'anno
Ca 'st'uocchie nun ponno
Cchiù pace truvà?

E cammino, cammino
Ma nun saccio addò vaco!
I' stò sempe 'mbriaco
Ma nun bevo maje vino

Aggio fatto 'nu vuto
 Madonna d' 'a Neve:
Si mme passa 'sta freve
Oro e pperle lle dò!

Te voglio, te penzo
Te chiammo!
Te veco, te sento
Te sonno!
È 'n'anno
Ce pienze ca è 'n'anno
Ca 'st'uocchie nun ponno
Cchiù pace truvà?

È 'n'anno
Ce pienze ca è 'n'anno
Ca 'st'uocchie nun ponno
Cchiù pace truvà?

---

Teksty umieszczone na naszej stronie są własnością wytwórni, wykonawców, osób mających do nich prawa.