---

Come Hielandman, come Lowlandman, come every man on earth, man.
And I'll tell ye how I got on atween Dundee and Perth, man
I gaed upon an iron road—a rail they did it ca', man—
An' ruggit by an iron horse, an awfy beast to draw, man.

There were hooses in a lang straight raw, a-standin'' upon wheels, man,
And the pair o chiels that fed the brute were as black's a pair o' deils, man;
And the ne'er a thing they gae the brute but only coals to eat, man—
He was the queerest beast that e'er I saw, for it had wheels for feet, man.

The beast it roared, and aff we gaed, through water, steam, and stanes, man;
We gaed at sic a fearfu' rate, I thought we'd brak' oor banes, man.
By and by we stoppit at a place ca'd something Gowrie,
But ne'er a word had I to say, but only sit and glower—aye.

Then after that we crossed the Tay, and landit intae Perth, man;
I vow it was the queerest place that e'er I saw on Earth, man;
For the hooses and the iron horse were far aboon the land, man,
And how they got them up the stairs—I canna understand, man.

Noo I'm safely landit, and my feet are on the sod, man,
If I gang tae Dundee again I'll tak' anither road, man;
Though I should gang upon my feet till I'm no fit tae stand, man,
Catch me again when I'm ta'en in wi' a the terrible iron horse, man.

---

Teksty umieszczone na naszej stronie są własnością wytwórni, wykonawców, osób mających do nich prawa.