---

The Cooper o' Cuddy came here tae ca',
He ca'd the girrs out o'er us a';
An' our gudewife has gotten a ca',
That's anger'd the silly gudeman O.

Hide the Cooper behind the door,
Behind the door, behind the door,
Hide the Cooper behind the door,
Cover him under a mawn, O.

He sought them out, and he sought them in,
Wi' deil hae her! an', deil hae him!
But the body he was sae doited and blin',
He wist na where he was gaun O.

Hide the Cooper behind the door,
Behind the door, behind the door,
Hide the Cooper behind the door,
Cover him under a mawn, O.

They cooper'd at e'en, they cooper'd at morn,
Till our gudeman has gotten the scorn;
On ilka brow she's planted a horn,
Swore that they sall stan' O.

Hide the Cooper behind the door,
Behind the door, behind the door,
Hide the Cooper behind the door,
Cover him under a mawn, O.

---

Teksty umieszczone na naszej stronie są własnością wytwórni, wykonawców, osób mających do nich prawa.