In the year o' eighteen hundred and eight A road through Buchan was made straight And mony's a hieland lad o' might Came o'er the Buchan border
Frae Peterhead to Banff's auld toon It twines the knowes and hollows roon' Ye scarce can tell its ups frae doons It's levelled in sic order
And the hieland and the lowland chiels Cut doon the knowes wi' spads and shiels Bored the stanes wi' jumpin'-dreels Tae put the road in order
There was some in tartan, some in blue Wi' weskits o' a warlike hue And were nae they a strappin' crew Tae put the road in order
And mony's a hup and mony's a bang Got cartin' horse and lazy man Fu' and teem and aye they ran To put it a bittie further
Chiel Chalmers, he frae Strichen cam' Wi' ae black horse as bold as a ram Nae ane could match him in the tram He made a braw recorder
And the Meerisons, the Wichts and Giels Were swack and willin' workin' chiels Sae fu' as they pu'd the barra steels Tae put the road in order
The road's as smooth as a harrow'd rig Wi' stankies on ilk side fu' trig And ilk' bit burn has noo a brig Where aince we had to ford her
And this turnpike it will be a boon Tae a' the country roon' and roon' And let folk come and gae frae toon Wi' easedom and wi' order
On fit you're o'er it free to stray But if a beast ye chance tae hae At ilka sax miles ye maun pay For gaun a bittie furtherTeksty umieszczone na naszej stronie są własnością wytwórni, wykonawców, osób mających do nich prawa.
