Sit doun here my cronies, and gie us your crack Let the wind tak the cares o this life on its back For oor hairts tae despondency we never will submit. For we've aye been provided for, and sae will we yet And sae will we yet, and sae will we yet, For we've aye been provided for, and sae will we yet.
So fill up a tankard o nappy brown ale It'll comfort our hearts and enliven the tale. For we'll aye be the merrier the langer that we sit, For we drank thegither mony's a time, and sae will we yet. And sae will we yet, and sae will we yet. For we drank thegither mony's a time, and sae will we yet.
Here's a health to the farmer, and prosper his plough, Rewarding his ardent toils a the year through For it's seed-time and it's harvest we ever will get. For we've lippen'd aye tae Providence, and sae will we yet. And sae will we yet, and sae will we yet, For we've lippen'd aye tae Providence, and sae will we yet.
So fill up yer glass, let the bottle gae roun. For the sun it will rise, though the moon has gane doun. And though the room be runnin roun aboot, it's time enough tae flit. When we fell we aye got up again, and sae will we yet. And sae will we yet, and sae will we yet. When we fell we aye got up again, and sae will we yet.Teksty umieszczone na naszej stronie są własnością wytwórni, wykonawców, osób mających do nich prawa.
