A sailor and his true love sat doon tae mak their moan By came ane o' their ain countrymen Sayin' “Rise up my bonny lassie, mak haste and come awa' There's a vessel lying bound for Caledonia.”
“Oh,” said the sailor, “are ye willing for tae pay Five hundred guineas before on board ye gae?” “I'll pay them plack and farthing afore on board I go If ye'll tak me tae my bonny Caledonia.”
“Oh,” said the sailor, “her money we will tak And when she's on sea we will throw her over deck Or sell her for a slave lang or ere she win ava And she'll never see her bonny Caledonia.”
But, “Oh,” said the captain, “that'll never do For there are no slaves sold until oor country noo. They would hang us ane and a', they would hang us every man If we sold her for a slave in Caledonia.”
“Well,” said the sailor, “she's lyin' doon below. She's bound hand and foot ready overboard to throw She's bound hand and foot ready overboard to throw And she'll never see her bonny Caledonia.”
The captain away tae the fair maid has gane Saying “What is the reason that ye lie here sae lang? An' what is the reason that ye're lying here at all? For you've paid your passage dear tae Caledonia.”
“Oh,” said the lassie, “oh woe is me! That ever I was born sic hardships for tae see For the sailors got a lassie he likes better far than me And it causes me to weep for Caledonia.”
So the captain away to the sailor has gane He's ta'en him by the neck and him overboard has thrown Sayin' “Tak this cup o' water though the liquor be but sma' And drink your lassie's health tae Caledonia.”
And they've sailed east and they've sailed west Until they reached the land that they loved the best For the winds they did beat and the seas they did roar And they've all arrived safe in Caledonia.
Well they hadna' been there but three quarters o' a year When in fine silks and satins he's made her for tae wear When in fine silks and satins he's made her for tae go Noo she's the captain's wife in Caledonia.Teksty umieszczone na naszej stronie są własnością wytwórni, wykonawców, osób mających do nich prawa.
