---

Oh lass, gin ye would think it richt
Tae gang wi' me this very nicht
And cuddle til the morning licht
By a' the lave unseen o

And you shall be my dearie
My ane, my dearest dearie
And you shall be my dearie
Gin ye'll meet me at e'en o

I daurnae frae my mammy gae
She locks the door and hides the key
And morn and evening charges me
And aye about the men o

She says they're a' deceivers
Deceivers, deceivers
She says they're a' deceivers
Ye cannae trust tae ane o

Oh never mind your mammy's yell
Nae doubt she met your dad hersel'
And should she flyte you may her tell
She's oft times done the same o

So lassie gies yer hand on't
Your bonnie milk white hand on't
So lassie gies yer hand on't
And scorn tae lie your lane o

Alas my hand I cannae gie
But aiblins I can steal the key
And meet you at yon birkin tree
That grows doon the glen o

But dinnae lippen, laddie
I cannae promise, laddie
So dinnae lippen, laddie
In case I cannae win o

So he's gone tae that birkin tree
In hopes his true love there tae see
When who cam' tripplin ower the lea
But just his bonnie Jean o

And she's sat doon beside him
Beside him, beside him
And she's sat doon beside him
Upon the grass sae green o

---

Teksty umieszczone na naszej stronie są własnością wytwórni, wykonawców, osób mających do nich prawa.