---

I
Mirk and rainy is the nicht,
there's no' a starn in a' the carry
Lichtnin's gleam athwart the lift,
and (cauld) winds drive wi' winter's fury.

CHORUS
Oh, are ye sleepin' Maggie
Oh, are ye sleepin' Maggie
let me in, for loud the linn
is roarin' o'er the Warlock Craigie.
II
Fearfu' soughs the boortree bank
The rifted wood roars wild an' dreary.
Loud the iron yett does clank,
An' cry o' howlets mak's me eerie.
III
Aboon my breath I daurna' speak
For fear I rouse your waukrif' daddie;
Cauld's the blast upon my cheek,
O rise, rise my bonnie ladie.
IV
She op'd the door, she let him in
I cuist aside my dreepin' plaidie.
‘Blaw your warst, ye rain and win'
Since, Maggie, now I'm in aside ye.
V
Now, since ye're waukin', Maggie,
Now, since ye're waukin', Maggie,
What care I for howlet's cry,
For boortree bank or warlock craigie?

---

Teksty umieszczone na naszej stronie są własnością wytwórni, wykonawców, osób mających do nich prawa.