---

Oh, Willie was a wanton wag
The bluntest lad that e'er I saw
He 'mang the lasses bure the brag
An' carried aye the gree awa'.
An' was nae Willie weel worth goud?
When seas did rowe an' winds did blaw
An' battle's deadly stoure was blent
He fought the foremost o' them a'.

Wha has nae heard o' Willie's fame
The rose o' Britain's topmost bough
Wha never stain'd his gallant name
Nor turn'd his back on friend or foe?
An' he could tak a rantin glass
An' he could chant a cheery strain
An' he could kiss a bonnie lass
An' aye be welcome back again.

Though now he wears the British crown
For whilk he never cared a flee
Yet still the downright honest tar
The same kind-hearted chield is he.
An' every night I fill my glass
An' fill it reaming to the brim
An' drink it in a glowing health
To Adie Laidlaw an' to him.

I've ae advice to gie my king
An' that I'll gie wi' right good will
Stick by the auld friends o' the crown
Wha bore it up through good an' ill.
For new-made friends and new-made laws
They suit nae honest hearts ava
An' Royal Willie's worth I'll sing
As long as I have breath to draw.

---

Teksty umieszczone na naszej stronie są własnością wytwórni, wykonawców, osób mających do nich prawa.