---

Sétzida, a Deus preghende,
Su chelu e’ màrmaru abbaidende,
Jaja fortzis l’at cumpresu:
S’urtimu viazu no est atesu;
Chi facher tzertu lu depiat
Dae meda ja l’ischiat.

Sa mariposa chene prus alas
Si lassat totu sa vida a palas ;
Paris cun issa, casi pranghende,
Totu unu mundu s’ind’est andende.
E sutta a custu chelu ‘e nie
B’at zente chi non riet
B’at zente chi non riet

S’ùrtima luche de sa die
S’est istudende
S’ùrtima luche de sa die
Nos est lassende
E sutta a custu chelu ‘e nie
B’at zente chi non riet

Sos betzos nostros an a cumone
Sa soledade ‘e unu sirbone,
Sa cara franca de unu manzanu,
S’ànima durche ‘e su beranu
E in coro unu disizu ebbìa:
Torrare a pitzinnìa
Torrare a pitzinnìa

S’ùrtima luche de sa die
S’est istudende
S’ùrtima luche de sa die
Nos est lassende
E sutta a custu chelu ‘e nie
B’at zente chi non riet
B’at zente chi non riet

---

Teksty umieszczone na naszej stronie są własnością wytwórni, wykonawców, osób mających do nich prawa.