Beh jow vint, 't Hof Van Commerce, sjûkloatje Wederom ne machtigen nummero ip oezne CD "En In Izzegem", vintje toch ...
Zonder moeite, zonder slag Zonder stwôt, zonder effort Zonder geld, zonder liefde Zonder genegenheid, zonder chance Zonder compassie, zonder bladjes Zonder toebak, zonder weed Zonder niet, zonder niet, zonder nie-ie-ie-ie-iet
'k zit 'ip 't dak van de wèreld en 'k kieke noa beneen 'k volle d'rof, recht ip myn mûle 'k springe rechte, 't doe gin zjir, of toch niet mjir Dan ne marbel teegn joene kop Ofgedropt van ip 100 mèters wôgte De drôgte in myn kele, volt best da te verelpn De skelpn van sportmann'n zyn ol gin avanse Teegn myn offensief, ge grakt'er mô vanof me chance 't e nie omda'j chanc'èt daj 't verre goa bringn 'k kanne zingn lik bûstik en bradworst Dommestiek verlost van de dagelikse dingn die u bezig ôudn Tot verveelns toe 't è genoeg gewist Myn lyk wèrd ipgevist ût de voart Myn zwoard versloat veel antagonistn 't kan nie missn, da'n ol d'MC's van België Benauwd zyn van ik Ik, MC Pistolee in een vroeger incarnoatie In een vwôrig leevn 't e woa, 'k è ier nog gewist Onder nen andern noame 'k è ier nog gewist 'k kanne nie zeggn da 'k mie skoame Voe de maniere woarip da kik ol dobstakels executere 'k passere, an de revue van d'MC's Die d'annaaln van de geskiedenisse zuln ingoan 'k lwôpe verloan, è'j mie verstoan ? Of moe'k mynzelvn nu nog ne kjir eraaln? Of moe'k der nog nen boas van de hiphop bie oaln?
Zonder moeite, zonder slag Zonder stwôt, zonder effort Zonder geld, zonder liefde Zonder genegenheid, zonder chanse Zonder compassie, zonder bladjes Zonder toebak, zonder weed Zonder niet, zonder niet, zonder nie-ie-ie-ie-iet
Ah, ik weete de legende van de goe MC's Dus kom môr ol een bitje dichtr Ik ben de stichtr van de nieuwe loge 't perkament zit in de zwarte koffer 'k ben een minselyk offer Ik ben de ridder van de gloazne salongtafel En myn prinsesse bakt ne wafel Ôk gedoan è me zwemmn in de vyver van 't kastjil D'interpretoatie van een ongezien taferjil Ip myne grond, ip myn percjil, wèr'ter gefjist We drinkn en we smwôrn en we eetn om ter mjist En achter dhoage springe'k ip myn pèrd 'k doe myn langk oar nwoi nie in ne stèrt 'k zwèr'et en 'k èr'et oe'j mie bedient lik god in Vrankriek Kiek mô nô Dommestiek at ie Me zyn lanse ol zyn teegnstanders versloat Mô 't e doarover nie da 't goat Ik ben Flip Kowlier, noem mie nwoi gin skytpapier Ge ziet da toch van ier, 'k transformeer in ne vampier En 'k byt'in joene nekke En ôut een bitje zjir'toet zyn 't u spiern da 'k verekke U bloed da 'k oflekke Kvliege were weg noa de grotte in 't kastjil: Ik ben nû voldoan en gie zy'nie mji gjil 'K ange me myn wôft onderstebovn ant plafong 'K voll'ôzwô in sloape en da zonder pardong!
Zonder moeite, zonder slag Zonder stwôt, zonder effort Zonder geld, zonder liefde Zonder genegenheid, zonder chanse Zonder compassie, zonder bladjes Zonder toebak, zonder weed Zonder niet, zonder niet, zonder nie-ie-ie-ie-iet
Aha, dikkers akk ik drwôme 'k zitte 'k ik int spel, ge kent da wel 'k wille wel mô 'k kanne niet In myn drwômm ben 'k lwôm mô 't es een feit Da 'j in de realiteit nie moe noazn, kbrikn Voazn me jolijt 'k rie me pèrd en karre deur nbus 't es ol loate mô 'k ben der wel gerust in 'k ben gin kwoad verwachtende 'k zie een poar overnachtende spinn'n 't onheil kan beginn'n, de grond goat oopn 't kom ne zômbie ût, 'k pakke myne zak Myn ninja stokkn d'rût, en in ne flût e de zombie nog dwôder Myn ego were grwôdre 't es een twad te zeggne me diene stoefer van Cauw'liers Em omringn me vampiers
Ik è actie nwôdig lik brwôt of 'k goa dwôd onder de grond 'k droaie rond, ô'k te vele g'inhaleerd è van myn sigarre 'k verwarre de goegelwôvige massa ô'k an de kassa van de winkle toekomme Godverdomme, 'k begunne te rapp'n Ge moe ze zien kiek'n lik nen ont ip 'n zieke koe 'k kete een bitje vloe oe vanachter de zjaloezie De mins'n of te loern mô ze zien mie nie stoan En toch ben 'k ier aanwezig, begun mie mô te vreezn 't es ier niemand veilig Keun'j de woarskuwinge nie leezn ip 't bordje vwô myn deure ô'k den ôto wegsteure noa d'n bwôrd van d'n afgrond Dommestiek is ongezond
Zonder moeite, zonder slag Zonder stwôt, zonder effort Zonder geld, zonder liefde Zonder genegenheid, zonder chanse Zonder compassie, zonder bladjes Zonder toebak, zonder weed Zonder niet, zonder niet, zonder nie-ie-ie-ie-ietTeksty umieszczone na naszej stronie są własnością wytwórni, wykonawców, osób mających do nich prawa.
