ეს გაუმარჯოს ჩვენს ქართულ სულს და სიტყვა-შეკაზმულს ლექსს, მიწიერ სუფრას, თამადას-უფალს, "ვეფხისტყაოსნის" ერს, და ვენაცვალე ჩვენს ქართულ ზეცას, ალალს და უთბილესს, და გაუმარჯოს ჩვენს შვილებს, ჩვენს გვარს და ჩვენს ხვალინდელ დღეს!
ეს გაუმარჯოს ყველას, ვინც ქვეყნად მზესავით კაშკაშებს, და გაჭირვებულს, და მკურნალს ქვეყნის, მელექსეს, მეპურეს! და ვენაცვალე ყველა ჩვენს მებრძოლს, წმინდანს, მუშას და გლეხს, და გაუმარჯოს ყველაფერს, რაზეც ჩვენი უკვდავება ძევს!
ქართული, ქართული, ზეიმია ქართული, მეფური სიტყვა და სადღეგრძელო ზღაპრული, ფერხულში ჩაბმული, გულით გულში ჩაკრული, საქმე ჩვენი ქართული, ძმობა და სიყვარული!
ქართული, ქართული, სილამაზე ქართული, წარსული, ქართული, სული სულ შემართული, ბრძოლა და სიცოცხლე სიყვარულში გართული, ეს სამოთხე მიწისა ხატი დედამიწისა, ჰე!!!!
ეს გაუმარჯოს ყველას, ვინც სწავლობს, ხატავს, აშენებს, ქმნის, ყველას ვინც იპყრობს, თამამად ხედნის დროის ბედაურს გიჟს, პური და ღვინო, ომი და ზავი, ლხინი და ქორწილის დღე, კავკასიონზე სულ მარად ენთოს ჩვენს გამარჯვებათა მზე!
ეს გაუმარჯოს ჩვენს ქართულ როკვას, ჩვენს ნიჭს და მაღალ ღმერთს, ჩვენს ქალაქს, სოფელს, ჩვენს დღეს და ღამეს, და ბრძოლით შესხმულ ფრთებს, მაშ გაუმარჯოს დიდს და პატარას, ამ ქვეყნის ყოველ შვილს, და ვენაცვალე ქართულ საქმეში ყოველ ჩვენთაგანის წვლილს.Teksty umieszczone na naszej stronie są własnością wytwórni, wykonawców, osób mających do nich prawa.