Sa framma de s'invìdia est lutziferu Issu tzerriat a is cundannaus Pigat sa bèstia niedda e de s'imperiu 'e sunferentzia Guidat su bentu de sa gherra
Deu s'itzèrriu! Sa petz’ ‘e bosu a su serbitziu miu Sigheusu is alas de prata Deu seu su caos!
Unu flùmini nieddu a pitz’ ‘e is Criaduras de Deus Arrùbiu su colori in is ribas de sa paxi
Deu s'itzèrriu! Sa petz’ ‘e bosu a su serbitziu miu Sigheusu is alas de prata Deu seu su caos!
Ma de sa tzitadi 'e prata arribbat su salvatori Immensa sa luxi de s'essèntzia de su portatori Issu est su soli chi accabbat sa noti Issu est sa luxi s'arcàngiulu Gabrieli
Is dentis cuntra a is alasa, is Spadas cuntra a is corrus (su rumore) sonat in is ribas fumantis Ma unu lampu isclariti su xelu, un’ istrali de luxi Intrat in su coru ‘e su caos
Deu s'itzèrriu! Sa petz’ ‘e bosu a su serbitziu miu Sigheusu is alas de prata Deu seu su caos!
Lutziferru su nemigu lassat sa terra Sa bèstia niedda est imoi pedra manna Issa afundat su corpus in is ribas de su paradisu Issa afundat su corpus pronta si scidai torra
Ma no podit oberri is ogus poita s'arcàngiulu dd'at imprisonada Sa spada sua a tipu cruxi frimat su dimòniu imoi po sèmpiri imoi po sèmpiriTeksty umieszczone na naszej stronie są własnością wytwórni, wykonawców, osób mających do nich prawa.
