Rose! Che belli rrose! Torna maggio! Sentite 'addore 'e chisti sciure belle! Sentite comme cantano ll'aucielle! E vuje durmite ancora! Ih che curaggio!
Aprite 'sta fenesta, oj bella fata, ché ll'aria já s'è fatta 'mbarzamata. E vuje durmite ancora! Ih che curaggio! Rose! Che belli rrose! Torna maggio!
Rose! Che belli rrose! E vuje durmite! Ma nun ve sceta stu prufumo doce? È primmavera, nun sentite 'e vvoce? Ma vuje, core 'mpietto, ne tenite?
Vocca addirosa comm'a na viola, 'a primmavera mia site vuje sola! Ma chesta voce vuje nun 'a sentite? Rose! Che belli rrose! E vuje durmite!Teksty umieszczone na naszej stronie są własnością wytwórni, wykonawców, osób mających do nich prawa.
