---

A core a core co' Graziella mia
Stevo assettato a chillu pizzo llà
Lu patre asceva e schitto nc'era 'a zia
Ma, zittu zitto, nce se potea parlà

La zia filava e poco nce senteva
Ca, pe' lo suonno, la capa lle pennea
Io la manella de nenna mia pigliavo
Che non volea, ma se facea vasà

Essa cantava co' chella bella voce
Lu mandolino io mme mettea a sonà
Essa dicea, cantanno doce doce:
"Aniello mio, io sempe t'aggi' 'a amà!"

La zia filava e poco nce senteva
E, pe' lo suonno, la capa lle pennea
Ma, si â 'ntrasatta, essa maje se scetava
Lu locco, subbeto, io mme mettevo a fà

Ma chillu tiempo comme priesto è passato!
Darria lo sango pe' farelo tornà
Tanno ero alliero e mo' sò sbenturato
Schitto d'arraggio, 'e chianto aggi' 'a campà!

Graziella mia, Graziella mme 'ngannava
Mentre d'occhiate e squase mm'abbottava
Aje! Disperato tanto mme sò arredutto
Che o moro acciso o mm'aggi' 'a vennecà!

---

Teksty umieszczone na naszej stronie są własnością wytwórni, wykonawców, osób mających do nich prawa.