Câti steali suntu analtu
Analtu sus pi tseru
Tuti anghilicescu ma
Pân' tu hâryie cheru

S'nu fudz di ninga mini
Ta s'plângu di dorlu a tău
Câ tini hii lutseafir di vreari
Lutseafir ti suflitlu a meu

Hai, du'nji'mi, du'nji'mi, du'nji'mi
Du'nji'mi la fântâna
Du'nji'mi s'beau apa aratsi
Dit'a ta alba mânâ

Câti lilici suntu primveara
Pi tuti io li voiu
Ma naima msheatâ dit eali
Suntu, featâ, ocljii a tăi.

S'nu fudz di ninga mini
Ta s'plângu di dorlu a tău
Câ tini hii trandafil di vreari
Trandafil ti suflitlu a meu

Cânta puilu pi dzeanâ
Sh'azboairâ pit niori
A njieia'nji si pari
Câ easti un cânticu di doru

S'nu fudz di ninga mini
Ta s'plângu vrutlu a meu
Cânta'nji sh'tini
Câ a ta boatsi e birbil ti suflitu a meu

---

Teksty umieszczone na naszej stronie są własnością wytwórni, wykonawców, osób mających do nich prawa.