Haidi, noptsã sh'dzâli, curâ ca mârdzeali Pitricui primveara sâ'nji ti'ashteaptã'n cali Cad lilici albi ca lãcãrnji di vreari Primuveara treatsi sh'tini nu'ai turnari
Haidi, vini veara cu multâ câroari Tsâ pitrec di'alargu, featâ, a mea vreari Veara câldâroasã, fudzi anvirinatã Pira tutu'nji ardi inima'nji mâratã
Haidi, yini toamna cu frândzã uscati Vimtlu va ts'aducâ lãcãrnji ansârati Trec niori ca spidã, ploaia curâ agalea Vimtlu s'toarâ aratsi, iermâ easti calea
Va s'treacâ nivãiliii, neaua va s'tucheascã Soarli 'a s'ardâ iara sh'bana angâldzascã Va ts'aduc pishchesi, vrearea a mea curatâ S'ashtergu chirolu cât mi'ai ashteptatâ
Haidi, yisi msheati, pilister di'asimi Tuti cad de'alihea, va s'hibâ ti mini Cu gailel sh'harauâ, bana s'curâ'n troarâ Vrearea va s'armânâ naima mari doarâTeksty umieszczone na naszej stronie są własnością wytwórni, wykonawców, osób mających do nich prawa.
