---

Rose, che belli rose! Torna maggio
Sentite 'addore 'e chisti sciure belle!
Sentite comme cantano ll'aucielle!
E vuje durmite ancora? Ih, che curaggio!

Aprite 'sta fenesta, oje, bella fata
Ché ll'aria mo' s'è fatta 'mbarzamata!
Ma vuje durmite ancora, ih, che curaggio!
Rose, che belli rose! Torna maggio

Rose, che belli rose, 'a 'n'anno sano
Stóngo strujenno 'e pprete 'e chesta via
Ma vuje nun v'affacciate, uh, mamma mia
I' nun mme fido 'e stà da vuje luntano

E si ve sto' luntano quacche ghiuorno
Pare ca vuje mme state sempe attuorno
Ca mme parlate e mm'astrignite 'a mano
Rose, che belli rose, è 'n'anno sano

Rose, che belli rose! E vuje durmite!
Ma nun ve sceta 'stu prufumo doce?
'E primmavera e nun sentite 'e vvoce
Ma vuje core 'mpietto ne tenite?

Vocca addirosa comm'a 'na viola
'A primmavera mia site vuje sola!
Ma chesta voce vuje nun 'a sentite?
Rose, che belli rose e vuje durmite

---

Teksty umieszczone na naszej stronie są własnością wytwórni, wykonawców, osób mających do nich prawa.