---

Sto crescenno no bello cardillo,
quanta cose che l'aggio amparà!
Adda ire da chisso e da chillo,
llimmasciate pò m'a da purtà.
Siente ccà bello mio lloco nnante
nc'è na casa, na nenna nce stà;
tu la vide ca non è distante,
chella nenna aje da ire a truvà!
Si la truove ca stace dormenno
pe na fata gué non la piglià!
No romore non fà co li penne,
gue cardì, tu l'àviss'a scetà?
Si affacciata po sta allo barcone,
pe na rosa l'àviss'a piglià!
gue, cardì...vi ca llà no te stuone,
va vattenne cardì ... n'addurà.
Si la truove che face l'ammore
sto cortiello nnascunnete ccà,
nfccancillo deritto allo core
e lo sango tu m'ai da purtà.
Ma si pensa... vattè chiano chiano,
zitto zitto te nce aje d'azzeccà,
si t'afferrà pò te vo cò la mano
prietso mpietto tu l'aje da zompà.
Si te vasa o t'afferra cianciosa,
tanno tu l'aje dire accussì:
lu patrone pe te non reposa,
poveriello, pecchè adda murì.
T'accarezza, te vasa! Ah... viato
chiù de me tu si cierto, cardì!
Si co tico cagnarme m'è dato
doppo voglio davero murì.

---

Teksty umieszczone na naszej stronie są własnością wytwórni, wykonawców, osób mających do nich prawa.