'Ncopp''e Camáldule, addó 'a dummeneca Ce ne sagliévamo, comme vurría turná! E ce scegliessemo 'na via sulagna 'E 'sti ccampagne, pe' ce puté vasá!
Addó ce sta 'na funtanella ancora Ca, cchiù 'e 'na vota, ce ha levato 'arzura Pare ca ll'acqua canta: "Ammore, ammore..." Comme cantava 'o core tujo, Marí
Pecché, pecché Nun vuó turná cu me 'ncopp''e Camáldule?! Pecché, pecché Nun pònno cchiù turná chelli ddummeneche?! Quanno dicive, pallida Cu 'o desiderio 'e me: "Chisà quale dummeneca Io moro 'mbracci'a te!"
È maggio e guardo nu calannario: Stu mese, 'o quínnece, ce avevam''a spusá P''o mare tornano 'e rrundinelle E tu, 'a cchiù bella, nun viene a dí: "Stó ccá!"
'A vicchiarella mia t'aspetta ancora: T'arraccumanna 'int''e ppreghiere, 'a sera 'A puverella se lusinga e spera 'E te vedé felice 'mbracci'a me!
Pecché, pecché Nun vuó turná cu me 'ncopp''e Camáldule?! Pecché, pecché Nun pònno cchiù turná chelli ddummeneche?! Quanno dicive, pallida Cu 'o desiderio 'e me: "Chisà quale dummeneca Io moro 'mbracci'a te!"
Quanno dicive, pallida Cu 'o desiderio 'e me: "Chisà quale dummeneca Io moro 'mbracci'a te!"
Camáldule:
La Collina dei Camaldoli, con i suoi 457 metri sul livello del mare, è il rilievo più alto della città di Napoli.Teksty umieszczone na naszej stronie są własnością wytwórni, wykonawców, osób mających do nich prawa.