---

Chistu core è masto 'e forgia,
sempe 'nfacci'a furgetella,
ména 'o mantece e martella,
pe' nu core 'a 'ncatena.

Ma però stu core è tuosto,
è n'acciaro cunsistente,
ca martiello e fuoco ardente
nun ce pònno fatica.

'Sta canzone vène a te,
'sta canzone vène a te
Catarina, Catari',
Catarina, Catari'.
Voglio fa' ll'arte d' 'o Sole,
voglio fa' ll'arte d' 'o Sole,
pe' fa' chello ca dich'i',
pe' fa' chello ca dich'i'.

Chistu core, 'a masto 'e forgia,
s'è 'mparato giuilliére
ca vò' fa' n'aniello a féde,
pe' na nénna 'a mmareta'.

Ma pe' fa' st'aniello a féde,
n'ata mano nce vurria
ca strignesse 'a mana mia
e 'sta mana 'aggi' 'a truva'.

'Sta canzone véne a te,
.....................

Chistu core, 'a giuilliere,
mo vò' essere pittore,
pe' pitta' na scena 'ammore
e 'o suggetto è chistu cca'.

Na brunetta ca mm'abbraccia
'mmiez'e sciure profumate.
E, cu ll'uocchie appassiunate,
s'abbandona 'ncuoll'a me.

'Sta canzone vène a te,
............................

---

Teksty umieszczone na naszej stronie są własnością wytwórni, wykonawców, osób mających do nich prawa.