Porta ancora 'o scialle 'e lusso Porta ancora 'a pettenessa 'Sta luciana, quanno passa Nun te fa cchiù raggiunà
Ê vvote 'a 'ncontro pe' Santa Lucia E che maretto dint' ô core mio! Si penzo d' 'a fermà Si cerco 'e ce parlà Chella me guarda stuorto e mm'aggi' 'a stà
'A 'sta luciana Ca passa e spassa Scialle 'e lusso Pettenessa Pe' 'na semmana M' 'a faticasse Po' 'a fermasse E lle dicesse: "Io nun ve cerco niente! Ma dateme 'o permesso: Ve dò 'nu vaso 'ncopp' â pettenessa!"
M'hanno ditto: "'O pate è 'nzisto!" M'hanno ditto: "'O frate è tuosto! Tene 'o zio ca è capintesta! Ce sta poco 'a pazzià!"
Ma i' che ce pozzo fà? Chella me piace! Voglio pazzià c' 'o ffuoco... e si me cocio... Me cocio... e ch'aggi' 'a fa? Ma s'ann' 'a rassignà: I' senza 'e chella nun pozzo campà!
'A 'sta luciana Ca passa e spassa Scialle 'e lusso Pettenessa Pe' 'na semmana M' 'a faticasse Po' 'a fermasse E lle dicesse: "Io nun ve cerco niente! Ma dateme 'o permesso: Ve dò 'nu vaso 'ncopp' â pettenessa!"
"Io nun ve cerco niente! Ma dateme 'o permesso: Ve dò 'nu vaso 'ncopp' Ve dò 'nu vaso 'ncopp' Ve dò 'nu vaso 'ncopp' â pettenessa!"
luciana:
Luciana da intendersi non come nome proprio ma come abitante del quartiere di Santa Lucia Ve dò 'nu vaso 'ncopp' â ...:
La pettenessa, oltre al significato di pettinino, fermacapelli, allude anche all'organo genitale femminile.Teksty umieszczone na naszej stronie są własnością wytwórni, wykonawców, osób mających do nich prawa.