---

Songo antico e ch'aggi' 'a fá?
Ch'aggi' 'a fá, bell''e papá?
Io appartengo a ll'ottuciento
E mo' vaco contro 'o viento
Ma però, ma però
Chello ca facite mo'
Nun mme piace... è 'a veritá
Preferisco 'ammore antico
Ca faceva spantecá

Vocca e vocca, core e core
Cu 'nu vaso e cu 'nu sciore
Cu 'nu suono 'e chitarrella
Suspirava 'na nennélla
Mo' tu chiamme 'a 'nnammurata
Cu 'nu sisco, 'int'â nuttata
Mo', ll'ammore, chi t''o ddá?

'A bonanema 'e ll'ammore
Nun c'è cchiù, bell' 'e papá
Tiempe antiche, tutto passa
Mo' se joca a piglia e lassa
Si mammá, dint'a 'na recchia
Mme suspira: "Guarda, guá'!"
Io lle dico: "Tu sî vecchia
Statte zitta e nun guardá!"

Nun va cchiù 'nziem'a mammá
'A figliola a passiggiá
Fa ll'ammore "esistenziale"
Po te scrive 'o "memoriale"
Dice: "Sí", dice: "Ma"
Maje nun dice 'a veritá
Figlio mio, bell' 'e papá
Chelli ffemmene 'e 'na vota
Si putesseno turná!

Vocca e vocca, core e core
Cu 'nu vaso e cu 'nu sciore
Cu 'nu suono 'e chitarrella
Suspirava 'na nennélla
Mo' tu chiamme 'a 'nnammurata
Cu 'nu sisco, 'int'â nuttata
Mo', ll'ammore, chi t''o ddá?

'A bonanema 'e ll'ammore
Nun c'è cchiù, bell' 'e papá
Tiempe antiche, tutto passa
Mo' se joca a piglia e lassa
Si mammá, dint'a 'na recchia
Mme suspira: "Guarda, guá'!"
Io lle dico: "Tu sî vecchia
Statte zitta e nun guardá!"

'A bonanema 'e ll'ammore
Nun c'è cchiù, bell' 'e papá
Tiempe antiche, tutto passa
Mo' se joca a piglia e lassa
Chesto d'ogge nun è ammore
Mo' ll'ammore chi t' 'o ddá?
'Mpignatillo chistu core:
Che n'hê 'a fá, bell' 'e papá?

---

Teksty umieszczone na naszej stronie są własnością wytwórni, wykonawców, osób mających do nich prawa.