'Nterra 'a banchina, quante emigrante S'embarcano pe' l'estero, lassano Napoli Portandose 'o ricordo 'e 'sta città dint'o core 'A speranza 'e riturnà s'a portano int'o core
Partono 'e bastimente Pe' terre assaje luntane Cantano a buordo: Sò napulitane! Cantano pe' tramente 'O golfo già scumpare E 'a luna 'a 'mmiez'ô mare 'Nu poco 'e Napule lle fa vedè
Santa Lucia Luntano 'a te Quanta malincunia! Se gira 'o munno sano Se va a cercà furtuna Ma, quanno sponta 'a luna Luntano 'a Napule Nun se pò stà!
E sonano... ma 'e mmane Tremmano 'ncopp' 'e ccorde Quanta ricorde, ahimé Quanta ricorde! E 'o core nun 'o sane Nemmeno cu 'e ccanzone: Sentenno vvoce e suone Se mette a chiagnere Ca vò turnà!
Santa Lucia Luntano 'a te Quanta malincunia! Se gira 'o munno sano Se va a cercà furtuna Ma, quanno sponta 'a luna Luntano 'a Napule Nun se pò stà!
Santa Lucia, tu tiene Sulo 'nu poco 'e mare Ma, cchiù luntana staje Cchiù bella pare! È 'o canto d' 'e ssirene Ca tesse ancora 'e rrezze Core nun vò ricchezze: Si è nato a Napule Ce vò murì!
Santa Lucia Luntano 'a te Quanta malincunia! Se gira 'o munno sano Se va a cercà furtuna Ma, quanno sponta 'a luna Luntano 'a Napule Nun se pò stà!Teksty umieszczone na naszej stronie są własnością wytwórni, wykonawców, osób mających do nich prawa.
