---

E parlammene ancora
Si 'e pparole stasera
Stanno ascenno d' 'o core
Statte n'ata mezzora
E parlammene ancora

Mammà nun dorme si i' nun m'arritiro
Però facimmoncello n'ato giro
Cu' dduje parole, 'nterra 'e Margellina
E st'uocchie ca me guardano 'a vicino
E 'a luna ca, stanotte, è 'nu limone
Cu' tte sto bbuono

E fatte cchiù vicino, ca nun sento
Si 'o core sta sbattenno overamente
O è sulo 'o viento ca fa rummore
E parlammene ancora

E parlammene ancora
Ca parlà ce fa bene
Si nun passa nisciuno
'O curaggio me vene
E te piglio p'a mano

Stanotte 'e vierno pare primmavera
Si mmano e mmano camminammo a pere
Saglienno 'e strade antiche d' 'e quartiere
Tutte 'sti panne spase so' bandiere
E 'a luna ca, stanotte, è 'nu limone
Cu' tte sto bbuono

E fatte cchiù vicino, ca nun sento
Si 'o core sta sbattenno overamente
O è sulo 'o viento ca fa rummore
E parlammene ancora

O è sulo 'o viento ca fa rummore
E parlammene ancora

---

Teksty umieszczone na naszej stronie są własnością wytwórni, wykonawców, osób mających do nich prawa.