---

Owre kynge went forth to Normandy,
With grace and myyt of chivalry;
The God for hym wrouyt marvelously,
Wherefore Englonde may calle, and cry

Chorus: Deo gratias
Deo gratias Anglia redde pro victoria.

He sette a sege, the sothe for to say,
To Harflue toune with ryal aray;
That toune he wan, and made a fray,
That Fraunce shall rywe tyl domes day.
Chorus

Then went owre kynge, with alle his oste,
Thorowe Fraunce for all the Frenshe boste;
He spared 'for' drede of leste, ne most,
Tyl he come to Agincourt coste.
Chorus

Than for sothe that knyyt comely
In Agincourt feld he fauyt manly
Thorow grace of God most myyty
He had bothe the felde, and the victory
Chorus

Ther dukys, and erlys, lorde and barone,
Were take, and slayne, and that wel sone,
And some were ledde in to Lundone
With joye, and merthe, and grete renone
Chorus

Noe gratious God he save owre kynge,
His peple, and all his wel wyllynge,
Gef him gode lyfe, and gode endynge,
That we with merth mowe savely syng
Chorus

---

Teksty umieszczone na naszej stronie są własnością wytwórni, wykonawców, osób mających do nich prawa.