---

Nina nana, te canto 'a nina nana
beo de mama che 'a note po' 'a te ingana.

Ogni sera te me canti 'a nina nana
mama mia ogni volta dopo son co' Anna
che xoghemo insieme soto a chea montagna.

E ogni volta ea 'a me ride drio 'na s-cianta
se no 'a ciapo in tempo ea 'a me scampa
e 'a zoea via che 'a par 'na bea coeòmba bianca.

E mi resto par tera e vedo 'a montagna
s-ciopa tuto in aria e no ghe xe Anna
e me svejo morto de paura
co' na voxe che me rassicura
ma no posso vedarte né tocar
mama dame 'e ae, vojo voear
mama mi no vojo credar che 'a me colpa
sia de aver coresto pi' de Anna.

Mama 'i me ga sconto i brassi che xogavo
mama 'i me ga perso 'e ganbe che corevo
mama 'i me ga tolto i oci che vedevo
ma no 'i me ga tolto i sogni che fasevo
mama 'i me ga 'assà sigàr fin che podevo
tuto el fià pa' dir che no ghe vedevo
'a montagna e Anna, che mi voevo
sol che farghe vedar come che corevo,
sol che farghe vedar come che corevo,
sol che farghe vedar ...

Nina nina, te canto a nina nana
beo de mama che a note po' 'a te ingana.

---

Teksty umieszczone na naszej stronie są własnością wytwórni, wykonawców, osób mających do nich prawa.