Ghe fusse ‘ancora i persegheri o chei bei pomeri o almanco i amoi bei neri da magnar intieri Ghe fusse ‘oncora e grandi siese e gadìe coi i piè de brise drìo tute e strade del paese pì grande del paese E un dì che rìve ‘oncora a voxe de tosati e tose che siga forte dentro e porte quattro volte al mese:
‘Ndemo xente, ‘ndemo fora a vedar…,'ndemo a scoltar quel che ‘sti foresti i ne fa vedar o i ne gà da dar dai che ‘ndemo daghe un baso aa bea, ‘na caressa aa cea che ‘l bon marcà, lo sa anca ea, sbrega a scarsea
E no ghe jera quasi gnente, poco da magnar tanta a jera soeo a miseria e tanto el lavorar Ma vegneva sera e se sperava de ciacoear de scaldarse al fogo de ‘na storia bona da sognar E adesso i veci che vien dirte tuti i doeori no i te ‘o dise mai quel pì grando: i se o tien par lori.
‘Ndemo xente, ‘ndemo fora a vedar…,'ndemo a scoltar quel che ‘sti foresti i ne fa vedar o i ne gà da dar dai che ‘ndemo daghe un baso aa bea, ‘na caressa aa cea che ‘l bon marcà, lo sa anca ea, sbrega a scarsea
Onde se aeo scondesto el “careghéta” el “justaonbrea” suito dopo el banco del “moéta” o de “toni scuea” ‘ndemo in zerca ancora de “strasséta” e de “baretéa” che par tirar vanti ghe bastava na jornada bea.Teksty umieszczone na naszej stronie są własnością wytwórni, wykonawców, osób mających do nich prawa.
