Miakkim puchnatym śniažkom zaciarušvaje Toje, što ŭčora było nieparušnaje. Toje, što siońnia lažyć u ruinach I žyvie adno tolki va ŭspaminach. Tak, było zrazumieła: niama perspektyvy, Ale žyli ž my nie perspektyvaj adzinaj, Śmiešna skazać: žyli my radzimaj I pad jaje padbivali pasivy-aktyvy. Čaho my chacieli? Čaho my šukali? Biełarusnaftu, Biełaruskalij, Kiraŭnictva spravami prezydenta, Dla jakoha žyćcio — amerta j vendeta? Nie, tolki nia heta ci nia tolki heta. Ciapier zrazumieć užo ciažka kankretna. I voś my — Miški Hami ci rybki hurami, Płyviem u akvaryjumie pobač z vami. U hetym imhnieńni — hareńni, hnijeńni — I ŭśmieška šakała, i vyskał hijeny. Raskidała vybucham nas pa Ziamli. My vierniemsia, tolki kudy i kali?
Raskidała vybucham nas pa Ziamli. My vierniemsia, tolki kudy i kali?
I voś patryjoty Harodni i Mienska Znajšli sabie ŭ śviecie novaje miejsca. Kamuści niazručna, kamuści baluča, Kamuści i ŭ vušy, i ŭ vočy kaluča. Śviet dziŭny, śviet novy, Zamiežnyja movy, Žyllovyja jak by palepšyć umovy… Raskidała vybucham nas pa Ziamli. My vierniemsia, tolki kudy i kali?
Raskidała vybucham nas pa Ziamli. My vierniemsia, tolki kudy i kali?
Lehalizacyja, karta pobytu, Usie ŭ novy śviet ulilisia, nibyta, Ale štości ščemić, i dušyć, i ciśnie, I chočacca ŭpaści ŭ pažoŭkłaje liście, I chočacca… Ale jakaja ŭžo roźnicca? Treba ačyścić siabie ad karozii. Chaj my daloka ad rodnaj ziamli, Ale jany nas nie pieramahli. Pieršaja łastaŭka — zorka ci svastyka? Joha, piłates, žanočaja plastyka… “Ja nie pajedu, nia budzie tam ščaścia”, — Tak mnie kazaŭ toj, chto tam zastaŭsia, Dzie niedryžačaj rukoju dziady Z žyćciaŭ vykreślivajuć hady. Hod ci piatnaccać. Ale ścieražysia! Jany mohuć vykreślić i cełyja žyćci. Raskidała vybucham nas pa Ziamli. Jak šmat my chacieli, jak mała zmahli. Raskidała vybucham nas pa Ziamli. My vierniemsia, tolki kudy i kali?
Raskidała vybucham nas pa Ziamli. My vierniemsia, tolki kudy i kali?Teksty umieszczone na naszej stronie są własnością wytwórni, wykonawców, osób mających do nich prawa.
