Es wird scho glei dumpa, es wird scho glei Nacht, drum kimm i zu dir her, mein Heiland, auf d'Wacht. Will singa a Liadl dem Liabling, dem kloan, du magst ja net schlafn, i hör' di nur woan. Hei hei, hei hei! Schlaf süaß, herzliabs Kind!
Vergiß jetzt, o Kinderl, dein Kumma, dei Load, dass du da muasst leid'n im Stall auf da Hoad. Es ziern ja die Engerl dei Liegerstatt aus, möcht schöner net sein drin an König sein Haus. Hei hei, hei hei! Schlaf süaß, du liabs Kind!
Ja Kinderl, du bist halt im Kripperl so schön, mi ziemt, i kann nimmer da weg von dir gehn. I wünsch dir von Herzen die süaßeste Ruah, die Engerl vom Himmel, die decken di zua. Hei hei, hei hei! Schlaf süaß, du schöns Kind!
Schließ zu deine Äugerl in Ruah und in Fried und gib ma zum Abschied dein Segn no grad mit. Aft wird a mein Schlaferl a sorgenlos sein, aft kann i mi ruahli aufs Niederleg'n frei'n. Hei hei, hei hei! Schlaf süaß, mein liabs Kind!Teksty umieszczone na naszej stronie są własnością wytwórni, wykonawców, osób mających do nich prawa.
