---

Adeste, fideles, laeti triumphantes:
Venite, venite in Bethlem:
Natum videte Regem Angelorum.


Venite, adoremus. Venite, adoremus.
Venite, adoremus Dominum.


En grege relicto, humiles ad cunas
Vocati pastores approperant:
Et nos ovanti gradu festinemus:

Venite, adoremus. Venite, adoremus.
Venite, adoremus Dominum.

Aeterni Parentis splendorem aeternum
Velatum sub carne videbimus.
Deum infantem pannis involutum.

Venite, adoremus. Venite, adoremus.
Venite, adoremus Dominum.


Pro nobis egenum, et foeno cubantem
Piis foveamus amplexibus:
Sic nos amantem quis non redamaret ?

Venite, adoremus. Venite, adoremus.
Venite, adoremus Dominum.

Qui foeno iacebat panis speciebus,
Pro nobis effectus Emmanuel.
Sic nos amantem, quis non redamaret?

Venite, adoremus. Venite, adoremus.
Venite, adoremus Dominum.

---

Teksty umieszczone na naszej stronie są własnością wytwórni, wykonawców, osób mających do nich prawa.