Egidius

Egidius, waer bestu bleven?
Mi lanct na di, gheselle myn;
u coors die doot, du liets mi tleven.
Dat was gheselscap goet ende fyn,
Het sceen teen moeste ghestorven syn.

Nu bestu in den troon verheven,
Claerre dan der zonnen scyn;
Alle vruecht es di ghegheven.

Egidius, waer bestu bleven?
Mi lanct na di, gheselle myn;
Du coors die doot, du liets mi tleven.

Nu bidt vor mi, ic moet noch sneven,
Ende in de weerelt liden pyn;
Verware myn stede di beneven:
Ic moet noch zinghen een liedekyn;
Nochtan moet emmer ghestorven syn.

Egidius, waer bestu bleven?
Mi lanct na di, gheselle myn;
Du coors die doot,
du liets mi tleven.

---

Teksty umieszczone na naszej stronie są własnością wytwórni, wykonawców, osób mających do nich prawa.