---

Fòr dal bosc bandì jo ga menà
Col cant de la manèra
Ẑo par crođe stonfà in tel fret
Inte i braẑ deła Piave
Picai al legn’ com’ an ẑatèr
Taje e om mastegai da l’agua
La guera la jòl i braẑ de fagèr
E al leòn el ga ‘l libro serà!

Col vessillo de San Marc
Core Core le galee!
Inte ‘l meẑ al mar i se sbara
Par chi j ori i pòl robar!
I se copa tra poaret
Pì con ruđen che col fèr!
Tant’ el doge el sta inte ła ca’
Che ‘l ga i schei da contar
I se cata par coparse
chi sarà a comandar!
J ga menà al Bosc da Reme
Inte ‘l Levant a radegar!

Quanta ẑent al ne ga costà?
Ałe spose chi ‘l gheo disarà?
Gnanca łe vacche jo pòl calpestar
El se ẑuga a spostarse łe crođe
El l’è ‘n bosc da da tegner de cont
L’è marcà tut par l’arsenàl!
Inte ste ague rosse le jòl,
Ciesa, republica, e sta santa łiga
Nesùn se pensa de quei che žiga
Sone i cristiani e fone raẑia!
(tributo ad Alberto D’Amico autore di “Riva i
barbari”)

I manco sventurai i vien pironai
dai turcs!
Qui al se mor de tifo o negai
Se jo savè prima no ghe vegnivo!

Col vessillo de San Marc
Core Core le galee!
Inte ‘l meẑ al mar i se sbara
Par chi j ori pòl robar!
I se cata par coparse
chi sarà a comandar!
J ga menà al Bosc da Reme
Inte ‘l Levant a radegar!

---

Teksty umieszczone na naszej stronie są własnością wytwórni, wykonawców, osób mających do nich prawa.