---

Stavota, siente a me, te si' sbagliata.
Tu si' felice? E io cchiù felice 'e te.
Mm'aggio truvato n'ata 'nnammurata,
chella ca overamente fa pe' me.

Cchiù bella 'e te,
no, nun è nata ancora,
ma è 'nnammurata e sòra
chesta ca sape chiagnere.
Bella nun è,
ma è n'anema sincera.
Cride ca tutte tènono
n'anema nera
comm'a te.

E comme chiagne 'a 'nnammurata mia
quanno mme vede 'e ridere accussí.
Mm' 'a legge dint' 'o core 'sta buscía
e nun perdona a chi mme fa suffrí.

---

Teksty umieszczone na naszej stronie są własnością wytwórni, wykonawców, osób mających do nich prawa.