E ta den su mirada Mi ta sintiele ora mi drumi Pegá kant’i su lomba Ku lastu tempu e no ke ta ku mi
Oranan den silensio Kòmbersashonnan ineksplikabel Será den kamber I e n’ ke kontami ki ta pasando
Nunka e no tin tempu pa sinta kome Pa bai un sine òf sali bai keiru Pasobra semper e ta trahando
Bo n’ por splikami amiga, ta ki a kambié I por fabor no bisami mihó mi lag’é
KORO Djis inventá un preteksto dunami Un speransa chikí pa yudami Kalma e miedu ku tin den mi pechu Ku mi t’ei pèrdè un parti di mi
Ai amiga mi sa mi ta kore P’un bèrdat ku sigur ta bai morde Pero si bo stimami un tiki I bo ke pa mi ta felis
Djis kontami un historia kreibel Konvensemi ku ta imposibel Ku di gòlpi su amor ta di un otro I k’e ta bai for di mi
II
Ainda mi ta kòrda Kon nos a start ku nos aventura Sin pasenshi pa warda Henter anochi nos por a dura
Nos tabata famoso Pa diskushonnan profundo i bibu tené den outo Miéntras ku oranan ta pasando
Hest’un amor glorioso i awó n’ tin nada i mi n’ por kere ku nos bida huntu di e maner’akí ta kabando
Bo n’ por splikami amiga, ta ki a pas’é i por fabor no bisami mihó mi puntr’é
KORO Djis inventá un preteksto dunami Un speransa chikí pa yudami Kalma e miedu ku tin den mi pechu Ku mi t’ei pèrdè un parti di mi
Ai amiga mi sa mi ta kore P'un bèrdat ku sigur ta bai morde Pero si bo stimami un tiki I bo ke pa mi ta felis
Djis kontami un historia kreibel Konvensemi ku ta imposibel Ku di gòlpi su amor ta di un otro I k’e ta bai for di miTeksty umieszczone na naszej stronie są własnością wytwórni, wykonawców, osób mających do nich prawa.
