---

Tuma un tiki tempu
Keda ketu un momentu
Pa bo skucha bon
Tend’e melodia ku ta kanta henter dia den mi kurason
Ta un kansion di sintimentu, un kansion di amor
Paso mi alma ta kontentu i mi bida ta mane un bukèt di flor

I henter dia bo ta tendemi kanta lalala
Mi tin tur hende mal kansá, ku mi kanta
I henter dia bo ta tendemi kanta lalala
Lalala lalala

Rib’un dushi dia
Disfrutando ku famia, i komiendo bon
Nan a komentami, ku masha ten nan ta tendemi kanta e mesun kansion
Ta mi kansion di sintimentu, mi kansion di amor
Paso mi alma ta kontentu i mi bida ta mane un bukèt di flor

Mi bida ta kambiando
Mi n’ sa na unda e ta bai
Ma tanten mi ta kantando
Tur kos malu, mi por legumai

---

Teksty umieszczone na naszej stronie są własnością wytwórni, wykonawców, osób mających do nich prawa.